• News Slider
තවත් ඉන්ධන හලක පෙට්‍රල් පොම්පවලට සීල් තබයි - වැටලීම් තවදුරටත්

oilmin

 

නුගේගොඩ ගම්සභා හංදියේ පිහිටි ඉන්ධන පිරවුම්හලේ පෙට්‍රල් පොම්පවලට සහ භූගත පෙට්‍රල් ගබඩා ටැංකියට සීල් තැබේ. ඒ ලංකා ඛනිජ ‍තෙල් නීතිගත සංස්ථාවේ හදිසි වැටලීම් විමර්ශන අංශය විසිනි. පෙට්‍රල්වලට භූමිතෙල් කලවම් කර විකුණන බවට පාරිභෝගිකයින්ගෙන් ලැබුණු පැමිණිලි මත ඊයේ (22) රාත්‍රියේ සිදු කළ හදිසි වැටලීමකින් පසුව එම සීල් තැබීම සිදු කළ බව ලංකා ඛනිජ තෙල් නීතිගත සංස්ථාව පවසයි. වැඩිදුර විමර්ශන සඳහා එහි පෙට්‍රල් සාම්පල මේ වන විට රසායනාගාර පරීක්ෂණ සඳහා යොමු කර ඇති අතර එහි ප්‍රතිඵල මත ඉදිරි පියවර ගන්නා බව ලංකා ඛනිජ තෙල් නීතිගත සංස්ථාව කියා සිටී.

 

මේ අතර කොලොන්නාවේ සිට කොළඹ ගලධාරී හෝටලය වෙත දැවිතෙල් ප්‍රවාහනය කරමින් සිටියදී ලංකා ඛනිජ තෙල් නීතිගත සංස්ථාවේ හදිසි විමර්ශන අංශ‍‍ය සිය භාරයට ගත් බවුසරයේ වූ ටැංකි කිහිපයක දැවිතෙල් තත්ත්වයෙන් බාල බව රසායනාගාර පරීක්ෂණවලදී තවහවුරු වී තිබේ. එහිදී අතරමඟදී එම බවුසරයේ අදාල ටැංකිවල වුදැවිතෙල්වලට යම්කිසි බාල ඉන්ධන වර්ගයක් මිශ්‍ර කර ඇති බවට සැක කෙරේඑම සැකයට හේතු වී ඇත්තේ එම බවුසරය නියමිත ගමන් මාර්ගයේ නොගොස් සැක කටයුතු ස්ථානයක දිගු වේලාවක් නතර කර තිබීමයි. එය නිරීක්ෂණය කිරීමෙන් පසුව එම බවුසරය සිය භාරයට ගැනීමට හදිසි විමර්ශන අංශය කටයුතු කර තිබේ. එහි වැඩිදුර පරීක්ෂණ ලංකා ඛනිජ තෙල් නීතිගත සංස්ථාවේ විමර්ශන අංශය විසින් සිදු කරයි.

 

මේ අතර විෂයභාර අමාත්‍ය අර්ජුන රණතුංග මහතා පවසන්නේ ඉන්ධන අවභාවිතය සහ අක්‍රමිකතා වැළැක්වීමට හදිසි වැටලීම් තවදුරටත් වේගවත් කර ඇති බවයි. ඉන්ධන කලවම් කිරීමක් ගැන වාර්තා වුවහොත් වහාම ඟම ඇති පොලිසියට හෝ 0728870624 සහ 0777748417 යන දුරකථන අංකවලින් හදිසි වැටලීම් ඒකකයේ නිලධාරීන්ට දැනුම් දෙන ලෙසද අමාත්‍ය අර්ජුන රණතුංග මහතා මහජනතාවගෙන් ඉල්ලා සිටි.

 

 

ලංකා භූමිතෙල් ධීවරයින්ට සැපයීම කිසි ලෙසකින් සීමා කර නැහැ... ලංකා ඛනිජ තෙල් නීතිගත සංස්ථාව අවධාරණය කරයි....

 fishermanoil

 

 

ලංකා  භූමිතෙල් අවභාවිතය වළක්වාලමින් ලංකා ඛනිජ තෙල් නීතිගත සංස්ථාව නිකුත් කළ චක්‍රලේඛය 

සම්බන්ධයෙන් විවිධ පාර්ශ්ව විසින් අසත්‍ය කරුණු ප්‍රකාශ කරමින් සිටීඒ පිළිබඳව පැහැදිලිකිරීමක් 

කරන ලංකා ඛනිජ තෙල් නීතිගතසංස්ථාව අවධාරණය කරන්නේ ලංකා භූමිතෙල් ධීවර ප්‍රජාවට හෝ 

අඩු ආදායම්ලාභී පවුල් වෙත සැපයීම කිසිම අවස්ථාවකසීමාකර නොමැති බවයි.

 

ලංකා භූමිතෙල් පාඩු ලබමින් ලංකා ඛනිජ තෙල් නීතිගත සංස්ථාව අලෙවි කරනුයේද ධීවර ප්‍රජාවට සහ අඩු

ආදායම්ලාභී පවුල්වලට සහන ලබාදීමේ අරමුණනිඑබැවින් ධීවරප්‍රජාවට හෝ අඩුඅදායම්ලාභී පවුල්වෙත 

ලංකා භූමිතෙල් ඉල්ලුමේ ප්‍රමාණයට සපයන්නැයි ලංකා ඛනිජ තෙල් නීතිගත සංස්ථාව සියලුම පිරවුම්හල් 

වෙත තරයේ උපදෙස් දී තිබේ.

 

ලංකා ඛනිජ තෙල් නීතිගත සංස්ථාව පසුගිය 18වැනිදා නිකුත් කළ චක්‍රලේඛයෙන් අවධාරණය කර ඇත්තේ 

ලංකාභූමිතෙල්වලට ලබා දෙන සහනයට මුවාවී මහා පරිමාණයෙන් සිදුකෙරන ලංකා භූමිතෙල් අවභාවිතය 

වැළැක්වීම සඳහා වූ ක්‍රියාමාර්ග පමණිඑබැවින් ලංකා භූමිතෙල් අවභාවිතය වළක්වාලමින්  ලංකා ඛනිජ තෙල් 

නීතිගත සංස්ථාව නිකුත් කළ චක්‍රලේඛය ගැන සත්‍ය තොරතුරු මහජනතාවට ලබාදීමට කාරුණික වන මෙන් මෙයින් ඉල්ලා සිටිමු.

ලංකා භූමිතෙල් රථවාහනවලට, කර්මාන්තශාලාවලට සහ තොග වශයෙන් භාජනවලට නිකුත් කිරීම තහනම්... භූමිතෙල් අවභාවිතය නතර කරන්න තෙල් සංස්ථාවෙන් දැඩි නීති - හදිසි වැටලීම්ද වැඩි කරයි

 

kero

ලංකා ‍භූමිතෙල් රථවාහනවලට, කර්මාන්තශාලාවට, බවුසර්වලට සහ තොග වශයෙන් භාජනවලට මෙන්ම බැරල්වලට අලෙවි කිරීම තහනම් කරමින් ලංකා ඛනිජ තෙල් නීතිගත සංස්ථාව දිවයිනේ සියලුම පිරවුම්හල් වෙත නියෝගයක් නිකුත් කර තිබේ. ඒ ලංකා ඛනිජ තෙල් නීතිගත සංස්ථාවේ සභාපති දම්මික රණතුංග මහතාගේ අත්සනින් යුතුව සියලුම සි‍පෙට්කෝ බෙදුම්කරුවන් වෙත අංක 987 යටතේ චක්‍රලේඛයක් නිකුත් කරමිනි.

 

ලංකා භූමිතෙල් සහ කාර්මික භූමිතෙල් ලෙස භූමිතෙල් වර්ග දෙකක් වෙළඳපොළේ විකිණීමට ඇත. මෙයින් ලංකා භූමිතෙල් යනු සාමාන්‍ය පරිභෝජනය සඳහා රජයේ සහනාධාරය යටතේ අඩු ආදායම් ලාභී ජනතාවට සහ ධීවර ප්‍රජාව ඉලක්ක කර අලෙවි කෙරෙන භූමිතෙල්ය. එම භූමිතෙල් රතු පැහැයෙන් යුක්තය. කර්මාන්ත ශාලා සහ තොග වශයෙන් භාවිත කිරීමට යොදා ගන්නා භුමිතෙල් කාර්මික භූමිතෙල් නමින් හැඳින්වේ. කාර්මික භූමිතෙල් අවර්ණය. මෙහිදී අඩු ආදායම් ලබන ශ්‍රී ලංකාවාසී ජනතාවට සහ ධීවර ප්‍රජාවට ආර්ථික සහනයක් ලබා දීමේ අරමුණ ඇතිව ලංකා භූමිතෙල් අලෙවි කරනුයේ එක් ලීටරයකින් රුපියල් 30ක පාඩුවක් සංස්ථාව ලබමිනි. 2015 වර්ෂයේ ලංකා භූමිතෙල් අලෙවිය හා 2017 වර්ෂයේ පසුගිය මාසවල ලංකා භූමිතෙල් අලෙවිය සංසන්දනය කරන විට මෙරට ලංකා භූමිතෙල් පරිභෝජනය වැඩි වී ඇතැයිද අනාවරණය වී තිබේ. ඊට ප්‍රධාන වශයෙන්ම හේතු වී ඇත්තේ ඇතැම් ‍පිරවුම්පොළවල බෙදුම්කරුවන් අධික ලාභ ලැබීමේ පරමාර්ථයෙන් ලංකා භූමිතෙල් වැඩි වශයෙන් ව්‍යාපාරික හා කර්මාන්ත ශාලාවලට නිකුත් කිරීමට පෙළඹීමත් බස්රථවලට සහ බවුසර් රථවලට භූමිතෙල් යෙදීම මෙන්ම ඩීසල්වලට භූමිතෙල් කලවම් කර විකිණීමත් නිසාය. එහෙත් එවැනි ක්‍රියා නීතිවිරෝධීබව ලංකා ඛනිජ තෙල් නීතිගත සංස්ථාව අවධාරණය කරයි. එබැවින් එවැනි වරදක් සිදු කළහොත් බෙදුම්කාරධුරත්වධුරය අහෝසි කරන බව ලංකා ඛනිජ තෙල් නීතිගත සංස්ථාවේ සභාපතිවරයා සිය චක්‍රලේඛයෙන් සියලුම සිපෙට්‍කෝ බෙදුම්කරුවන් වෙත දන්වා දන්වා සිටී.

 

“දිවයිනේ අඩු ආදායම් ලබන ජනතාවට හා ධීවර ප්‍රජාවට සහන සැලසීමේ පරමාර්ථයෙන් සහන මිලකට අලෙවි කරනු ලබන ලංකා භූමිතෙල් ඔවුනට පමණක් නිකුත් කිරීමට සියලුම බෙදුම්කරුවන් වගබලා ගත යුතුය. ව්‍යාපාරික කටයුතුවලට සහ කර්මාන්තශාලාවලට කාර්මික භූමිතෙල් පමණක් නිකුත් කළ යුතුය. පෙට්‍රල් සහ ඩීසල් වාහනවලට ලංකා භූමිතෙල් අලෙවි කිරීද නීතිවිරෝධි ක්‍රියාවකි. අධික ලාභ ලබා ගැනීමේ අරමුණින් ඩීසල්වලට භූමිතෙල් කලවම්  කළහොත් එම වරද සිදු කරන පිරවුම්හල්ද තහනම් කෙරේ....” යනුවෙන්ද සභාපතිවරයා නිකුත් කළ චක්‍රලේඛයේ වැඩිදුරටත් දැක්වේ.

සුභම සුභ නව වසරක්

minnew1

ජීවිතයේ කිසිම විටක දෙවනියා වීමට නොසිතන්න කොතරම් බාධක දුෂ්කරතා පැමිණියත් පළමුවැනියා වීමට සිතන්න. පළමුවැනියා වීමට නොහැකි වුණහොත් පරාජය සමසිතින් භාරගැනීමට සූදානම් වන්න. එවිට ජයග්‍රහණය නිසැකවම ඔබ කරා පැමිණෙනු ඇත.

ලංකා ඛනිජ තෙල් නීතිගත සංස්ථාවේ නව කළමනාකරණ අධ්‍යක්ෂ ලෙස එහි පිරිපහදු කළමනාකරු ධුරයෙහි මේ දක්වා කටයුතු කළ නීල් ජයසේකර මහතා පත් කෙරේ.

assume

 

ලංකා ඛනිජ තෙල් නීතිගත සංස්ථාවේ නව කළමනාකරණ අධ්‍යක්ෂ ලෙස එහි පිරිපහදු කළමනාකරු ධුරයෙහි මේ දක්වා කටයුතු කළ නීල් ජයසේකර මහතා පත් කෙරේ. ඔහු සිය ධුරයෙහි වැඩ භාර ගැනීම අද උදෑසන දෙමටගොඩ පිහිටි ලංකා ඛනිජ තෙල් නීතිගත සංස්ථාවේ ප්‍රධාන කාර්යාලයේදී සිදු කෙරිණ. ඒ ඛනිජ තෙල් සම්පත් සංවර්ධන අමාත්‍ය අර්ජුන රණතුංග මැතිතුමාගේ සහභාගිත්වයෙන් පැවැති චාම් උත්සවයකදීය. එම අවස්ථාව ඛනිජ තෙල් සම්පත් සංවර්ධන අමාත්‍යාංශයේ ලේකම් ආචාර්ය උපාලි මාරසිංහ මහතාත් ඛනිජ තෙල් නීතිගත සංස්ථාවේ සභාපති දම්මික රණතුංග මහතාත් සහභාගි වූහ.

අද ලංකා ඛනිජ තෙල් නීතිගත සංස්ථාවේ කළමනාකරණ අධ්‍යක්ෂ ධුරයට (වැ.බ) පත් කෙරුණු නීල් ජයසේකර මහතා මීට පෙර ලංකා ඛනිජ තෙල් නීතිගත සංස්ථාවේ පිරිපහදු කළමනාකරු ධුරය වසර 7ක් දැරීය. ඔහු පේරාදෙණිය විශ්ව විද්‍යාලයේ යාන්ත්‍රික ඉංජිනේරු උපාධිධාරියෙකි. ලංකා ඛනිජ තෙල් නීතිගත සංස්ථාවේ ඒ ශ්‍රේණියේ ඉංජිනේරුවරයකු ලෙස ඔහු මුල්වරට පත්වීම් ලබන්නේ 1981 අගෝස්තු 03වැනිදායි. අනතුරුව ඔහු සංස්ථාවේ කළමනාකරණ අධ්‍යක්ෂ ධුරයට පසුව එන ඉහළම තනතුර වූ පිරිපහදු කළමනාකරු ධුරයට පත් වන්නේ 2010 වර්ෂයේදීය. ලංකා ඛනිජ තෙල් නීතිගත සංස්ථාවේ වසර 36කට වැඩි කාලයක අත්දැකීම් ඇති ඔහු ව්‍යාපාරික පරිපාලනය පිළිබඳ ශාස්ත්‍රපති උපාධිධරයෙකි. එමෙන්ම වරලත් ඉංජිනේරුවරයෙකි. සංස්ථාවේ උන්නතිය වෙනුවෙන් කැපවෙන සේවකයින්ට සහ නිලධාරීන්ට ඉහළ තනතුරුවලට පැමිණීමේ අවස්ථාව උදා කරමින් ඔහු කළමනාකාර අධ්‍යක්ෂ ධුරයට පත් කළ බව අද එම උත්සවයට සහභාගි වූ අමාත්‍ය අර්ජුන රණතුංග මහතා පැවසීය.

“ඕනෑම කෙනකුට තමන්ගේ ආයතනයේ ඉහළම තනතුරට යන්න අවස්ථාව තිබිය යුතුයි. නමුත් මේ ආයතනයේ එම අවස්ථාව තිබුණේ නැහැ. අපි දැන් එය වෙනස් කළා. විශේෂයෙන්ම රාජ්‍ය ආයතන ලාභ ලබන තත්ත්වයකට ගෙන ඒම 2015 ජනවාරි මාසයේදී අපේ ආණ්ඩුව පිහිටුවීමේදී අපේ අරමුණක් වුණා. එය මම වරාය අමාත්‍යවරයා ලෙස සිටියදී වරාය අධිකාරිය තුළ සිදු කළා. බිලියන 11ක ලාභයක් ලබා ගැනීමට හැකිවුණා. ඒ සඳහා ඉවහල් වුණු එක කරුණක් වුණේ වරාය අධිකාරියේම දක්ෂ සේවකයින්ට නිලධාරීන්ට ඉහළ තනතුරුවලට පැමිණීමට අවස්ථාව උදා කිරීම. ඛනිජ තෙල් නීතිගත සංස්ථාවටත් අද මම හඳුන්වා දෙන්නේත් එම ක්‍රමවේදය. අපිට අවශ්‍ය වන්නේ ජනප්‍රිය පුද්ගලයින් නෙමෙයි. දක්ෂ පුද්ගලයින්. රැකියාවක් පමණක් කරනවා යන සිතුවිල්ලෙන් එපිටට ගොස් ආයතනයේ දියුණුව වෙනුවෙන් කැපවුණු පිරිස්.....” යනුවෙන්ද පැවසූ අමාත්‍ය අර්ජුන රණතුංග මහතා අවධාරණය කළේ ඉදිරියේදී නව මානව සැලැස්මක්ද ඛනිජ තෙල් නීතිගත සංස්ථාවට හඳුන්වා දීමට පියවර ගන්නා බවයි. පාරිභෝගික ජනතාව තෘප්තියට පත් කිරීම ලංකා ඛනිජ තෙල් නීතිගත සංස්ථාවට ඉදිරියේදී පැවරෙන වගකීමක් බවත් එය ඉටු කිරීමට නව කළමනාකරණ අධ්‍යක්ෂවරයාට හැකියාව ඇති බවත් මෙම උත්සවයට එක්වෙමින් අමාත්‍යාංශ ලේකම් ආචාර්ය උපාලි මාරසිංහ මහතා පැවසීය. අමාත්‍යාංශයේ අතිරේක ලේකම් සිරිපාල හෙට්ටිආරච්චි මහතා ඇතුළු සම්භාවනීය අමුත්තන් රැසක්ද මෙම උත්සවයට එක්ව සිටියහ. 

 


අමාත්‍යාංශය යටතේ පවත්නා අායතන

 

ලංකා ඛනිජ තෙල් නීතිගත සංස්ථාව (CPC)

cpcඛනිජ තෙල් අාශ්‍රිත නිෂ්පාදන අානයනය කිරීම, පිරිපහදු කිරීම, බෙදා හැරීම සහ විකිණීම යන සියලුම වාණිජමය කටයුතු සිදු කෙරෙනුයේ ලංකා ඛනිජ තෙල් නීතිගත සංස්ථාව මගිනි.

 

ලංකා ඛනිජ තෙල් ගබඩා පර්යන්ත සමාගම (CPSTL)

cpstlලංකා ඛනිජ තෙල් ගබඩා පර්යන්ත සමාගම ඛනිජ තෙල් අාශ්‍රිත නිෂ්පාදන සංචිත කිරීම සහ බෙදා හැරීම යන කාර්යන්හි වගකීම දරයි.

 

 

ඛනිජ තෙල් මූලාශ්‍ර සංවර්ධන ලේකම් කාර්යාලය

To ensure that all Sri Lankans benefit from the petroleum resources of the country by managing the industry in an equitable, safe and environmentally sustainable manner